زفااااااااااات بأفكار جدا مميزة لاتفوتكم ياعرايس

السلام عليكم ورحمة الله وبركاتة

ياهلااااااااااا بكل العرايس

بما اني متخصصة بالزفات
حبيت افيدكم ياعرايسنا الحلووووووووين ببعض الافكار اللي ممكن تساعدكم

بترتيب حفل الزفاف
ان شاء الله تستفيدون منها ........ولاتنسوني من دعواتكم ياحلوووووووووين


أولا............... زفة الأخبار.......

وهي عباره عن صوت موجة الأخبار ثم صوت فتاه تقول خبر عاجل لقد وردنا هذا الخبر العاجل من مراسلنا بالصاله الفلانيه ولمزيد من التفاصيل معنا مراسلنا
ويتكلم الرجل هنا ويقول لقد تم وصول العروس فلانه في صاله الافراح الفلانيه هذه الساعه حيث هناك تقام الاحتفلات والأفراح بمناسبة زواج فلانه وفلان ..

اسمحولي لي بتكمله بسيطه

نفس المذياع يتشكل كانه يبحث عن موجه معينه
ويصل الى موجه القران على الايه ( ومن اياته ان خلق لكم من انفسكم ازواجا لتسكنوا اليها وجعل بينكم مودة ورحمة ان في ذلك لايات لقوم يتفكرون )

وبعدها يستمر البحث عن قناه اخرى
حتى تصل الى قناه الاخبار
ومنه للترتيب حسب ماذكرا في الأعلى

التأثيرات سهله خذو اي راديو وسجل التشويش وخلاص..........

ثانيا........... فكره الذهب الضاع............


الفكره :.

تدخل طفله الى القاعه وتقول ان في ذهب ضايع او يكون هذا الصوت تسجيل ويشتغل عن طريق مشغل الدي جي يكون صوت طفله تقول ذهب ضايع ذهب ضايع
بعدها الناس راح تصدق انه في ذهب ضايع تدخل العروس خطوتين عند الباب وتكون بارزه للحضور


وتبدأ قصيده تلقى بنفس صوت الطفله اللي ذاعت ان الذهب ضابع وتقول في بدايتها


وقالوا الذهب ضاع الذهب ضاع

من جمال ...... الذهب لازم يضيع

حسنها مافيه مثله على القاع

حسنها غطا على البدر البديع

بس انا افضل انها تكون لايف مباشرة بدون تسجيل عشان الناس تقنتع بالفعل
مو شرط صوت بنت صغيرة ممكن كبيرة في البدايه تمسك المايكروفون حق المطربه وتقول ذهب ضايع وتيجي وحدة غيرها وتأكد على هذا الكلام
لدرجه يخلو الناس في حاله ريبه انه فعلا فيه ذهب ضايع
وبعدها يجي تسجيل بصوت طفله انه في ذهب ضايع ومؤثرات قويه
على دخول العروس ثم الشعر

والابيات البدايه اكيد لها تكمله في وصف العروس
وصاحب الابيات ماكملها حفاظا على الحقوق الظاهر

بس سهله الموضوع والتكلمه رغم القافيه الصعبه
وهذة بيت من راسي على السريع جاء معي

صلو ياحاضرين على النبي وكلكم سماع
هذة ( فلانه ) ذهب تبرق مثل زهر الربيع

ثالثا......... حركــــــــــــــــه حلوه........

فيه حركة حلوة قالت لي عنها صديقتي تقول شافتها بزواج تقول
كان اسم العروسة والعريس فوق على الكوشة
مكتوب اللون الفسفوري بهذي الاماكن كانها لصقة كبيرة بس اكييييييد ماهي فلين مثلا او ورق او شي مقصوص ولا منحوت ولا كيسة ابدا ولا هي مرسومة على الجدر بالاصباغ الفسفورية
وبس انطفت الانوار على دخلة العروسة ظهرت وبقت واضحة مرة لاخر الزواج
تقول شكلها مرة روعة راقية وحركة جديدة
وبصراحة اتوقعها فكرة روعة وجديدة
قالت لي وحده أنها سمعت إن فيه أقلام خطاط تكتبين فيها واسمها الالوان السحرية ماتبين فيها الكتابه الا بالظلام يعني العروس كانت كاتبه اسمائهم من قبل ويوم طفت الانوار وضحت ..

رابعا..... فكره فستان العروسه المتغير لوانه.............

الفكره هي تغيير لون فستان العروسه
لازم مصمم ممتاز يفهم في نوع الاقمشه والكريستالات عشان يقدر ينفذ نفس الفكره
استخدام نوع قماش عاكس للبلاك لايت او الاضاءة السواداء في تفصيل الفستان
استخدام كريستالات عاكسه للضوء في الفستان
الفستان لازم يكون ابيض

بالنسبه للاضاءه
استخدام البلاك لايت
استخدام كشاف العروسه الملاحقه
استخدام كشافات مداه قصير مع استخدام الوان مختلفه اما باستخدام فلاتر ملونه او نفس الشمعات تكون ملونه

---------
الفكره والتركيب :

1- تدخل العروسه في ظلام دامس الصاله لابد ان تكون مطفاءه
2- تضاء لمبات البلاك لايت راح ينعكس فقط الفستان بطريقه رهيبه على ازرق
3- مع بدايه صفقه الجمهور والغطاريف يضاء كشاف العروسه ويسلط على العروسه
4- عندما تبدا العروس في المشي والانزفاف يقفل الكشاف وتضاء الكشافات الصغيره
حسب اللون مثلا احمر وتمشي قليلا تعمل اللي بعدها اخضر وبعدها ازرق وهكذا
يعني توزيع الكشافات المضيئه على طول الممر
راح تظهر العروس كانه فستانها يتغير الوانه مع كل خطوة لدرجه تشكك الناس ايش لون فستانها الاصلي
5- عندما تصل للكوشه يضاء الكشاف حق العروسه مره اخرى لتبهر الناس بلون فستانها الاصلي
6- يمكن استخدام البلاك لايت فوق الكوشه مع لمبات الديجي لاظهار العروسه في حاله قامت ترقص او تمشي امام المعازيم
راح يشع فستانها بطريقه حلوة مع البلاك وباقي الاضاءات

ان شاء الله الفكره عجبتكم
وعشان لاتسالوني ايش نوع الاقمشه المستخدمه خذو لمبه بلاك لايت عند محلات الاقمشه وطفو نور المحل وشوفو ايش اللي بيعكس

الفكره جديده لسه ماتنفذت فعليا بس تنفذت فكره الكشافات في المهرجانات وهي ناجحه

خامسا........... زفة العصير لضيوف........

هذا الفكره عملناها يوم زواج خالتي..

وهي زفة للعصير....لضيوف

لأن العصير كان تقدمة من أخواتها الإثنين الصغيرة والكبيرة..

طبعاً لأني بنت الكبيرة وعمري في اول العشرين وكذلك خالتي الصغرى ( عارفة مو وقت ألأعمار) حبيت أبين أنه شابات...

وضعنا مؤثرات صوتية أمواج وهواء نقي وتقريباً كل شي طبيعي هادئ يخطر على بالكم...
ومن أعلى الدرج ظهرت أنا وخاتي وكنا لابسين نفس موديل الفستان وله ذيل بسيط( نصف متر)
وإشتغلت صوت موسيقى سريعة ( هي مؤثرات بس مثل الموسيقى ما أعرف إيش بالضبط)

وكنا شايلين سلة فواكه ومن خلفنا نزلوا شغالات القاعة وهم لا بسين مثل هاواي حاميلن صواني عليها كاسات العصير ..cheerssm

ومشيوا على طرف الممر وفي الوسط بنتين أطفال لابسين مثل بعض لبس هاواي ونسيت أقول على رأس شغالات القاعة مثل طاقية عليها فواكه وحزام من الفواكه(( طبعاً صناعية)
المهم لما وصلنا للكوشة رقصنا من البنات الصغار وإلتفوا الشغالات وهم حاملن الصواني a53sm حوالينا لمدة 3 دقايق تقريباً ومن ثم تفرقوا في القاعة لتوزيع العصير على الناس....cheerssm

أدري طولت عليكم... بس حبيت الفكرة توضح...

ومن محاسن الفكرة أنه عندنا في البيوت عيب الشغالات تقدم للضيوف ومع هذه الفكرة باتت كأنه إحنا إلي قدمناه لهم...


... فكرة زفة قديمة وجديدة .......

الزفه تكون على شاشة عرض مباشر وتم تنفيذ الزفه بتسجيلات الرياض وكانت قمه بالروعه والشعر خيااااااااال

لكن ما اقدر احطلكم الشعر عشان تسمعوه لانه يحتوي على خلفيه موسيقيه

اول شي ضهر العريس وهو يمشي على مقطع من اغنية -------ما اجملك----لمحمد عبده مدة 4 دقايق تقريبا

بعد كذه دخول اغنية ----------ياخوي ----------وضهور اخو العروسه وهو يمشي ذهابا للعروسه
يمسك اخوها بيدها على مطلع قصيده شعريه موجهه للعريس وطبعا المصوره تعمل حركات بحيث تجي شويه صورة العروسه مع اخوها وشويه تضهر صورة العريس

بكتب لكم الشعر المذكور وبعدين اكمل الزفه
خذها امانه ياحفيظ الامانات
اغلى الغوالي في يدينك امانه
تصونها صون الكرام العفيفات
ولها بقلبك قبل بيتك مكانه
(اسم العروسه)بدرالسما بلسم الذات
ان قلت ريميه وان قلت دانه
من نورها تستر بلاد ومجرات
فيها تحيرليبديع بيانه
لي شافها شاف الهنا والمسرات
وطابت ليالي فرحته في زمانه
فيها الوفا مايغيره مر الاوقات
على وفاهاالوف زادشانه
(اسم العروسه)بدرالسما بلسم الذات
(اسم العروسه)بدرالسما بلسم الذات
االى ان يقفوا امام بعض اخو العروسه وهو ماسك بيداخته امام العريس وهنا يكون دخله لمطلع اغنيه محدده بحيث يكون في كلماتها كلام موجه من العروسه للعريس بان يتوصى فيها ويعاملها بكل حنيه
بعد كذه ما يناسبكم من مقاطع لنزول الدرج

بعد كذا يدخلوا العرسان للبوفيه على مقاطع معينه ويقطعوا التورته على اغنيه معينه

طبعا كل هذا لاتنسوا في شاشة العرض

تجي اللحظه الحاسمه لدخول العروسه للقاعه قبلها غطاريف وتاثيرات مناسبه

يكون دخولها على زفة -------يابنفسج ---------وكانت قمه في الروعه

وبمجرد وصول العروسه للكوشه بدأت زفة العربيه اللي يكون فيها هديه لأم العريس وتقوم العروسه بتلبيسها طقم من الذهب

أحلى زفة شفتها في حياتي
كانت الصالة كبيرة نوعا ما ولكن المعازيم قليل <<< أهم نقطة
شكل الصالة مستطيل طويل شوية ووضعت الكوشة في منتصف الضلع الأكبر
وعند وقت الزفة إتجهت الأضواء إلى زاوية الصالة ( مع إن القاعة بها بلكونة )
وبعد قليل أطل العرسان على ..........