اعملها بنفسك...... رجل نازلة من السقف!! ديكور ظريف

دا تقريباً اول موضوع أشارك بيه و يا رب يعجبكم....

دي فكرة Funky ممكن تزين بيها غرفتك أو غرفة العيال.....



و خطوات عملها سهلة جداً....


أولاً عشان تعمل الجزمة..... تحتاج لوح كرتون... زي دا


2- ارسم شكل إطار جزمة، ممكن تستعين بجزمة و ترسم حواليها

3- قصها بحذر ...حتحصل عالشكل دا...
- خد ورقة جرايد من الحجم الصغير.....و لفها بالطول على واسع..... يعني ما تلفهاش بقوة... زي كدا و عشان تضمن

إنها ما تفكش لزقها بغراء أو ورق لاصق....

5- لزقها بلزاق في آخر القطعة الكرتون .... مكان الساق يعني ... زي كدا ....



6- دلوقت عشان تعمل باقي هيكل الجزمة، اعمل كورة صغيرة من ورق الجرايد و لزقها قدام العمود اللي عملته في
الخطوة السابقة بالضبط...


7- اعمل كورة تانية أكبر من الأولانية .... ضعفها تقريباً.... و لزقها بعد الصغيرة مباشرةً....بحيث تبقى على حدود قطعة
الكرتون بالضبط.... زي كدا


8- خد ورق جرايد و كرمشه بالطول و لفه حوالين الساق بالشكل دا.. و حاول إنك تخليه أشبه ما يكون بشكل الجزمة
.... و دا حيكون الهيكل الأساسي للجزمة...


9- عشان تقوي الهيكل .... اخلط في زبدية صغيرة غراء المدارس الأبيض "PVA" و كمية مماثلة من الماء و ادهن بيها
سطح الجزمة..... و بعدين لزق ورق مناديل "الحمام" أو المطبخ .... يستحسن تكون طبقتين من الغراء و المناديل...
و حاول تخلي الشكل برضه أقرب ما يكون من شكل الجزمة.... و سيبها تنشف كم ساعة أو خلال الليل..
و لما تنشف حتبقى قاسية زي الخشب... و جاهزة للتلوين....زي كدا...



10- دلوقت اعمل فتحة السقف....هتحتاج قطعة كرتون تقريباً مقاس 40سم في 40 سم....و ارسم في وسطها تقريباً نقطة
و من النقطة ارسم خطوط لحد نهاية الكرتونة تقريباً بصورة غير مستقيمة....

11- اخرم الكرتونة من مكان النقطة بإستخدام قلم - مثلاً - و قص على الخطوط بس مش لنهاية حد الكرتونة... و لما حتخلص
مفروض يطلع معاك شكل شبه كدا....كأنها مثلثات منفصلة عن بعضها



12- اقطع بإيدك أشكال مثلثة بزاوية طويلة من ورقة بيضاء .... مش ضروري تكون مرتبة و مستقيمة ...بالعكس الأفضل إنها تكون
مشرشرة .. و لزقها بالغراء فوق المثلثات الكرتون اللي عملتها في الخطوة السابقة...بحيث تكون الزوايا الطويلة بتشاور
على النقطة المركزية ....


13- ابدأ بثني المثلثات لبره كأنه حاجة انفجرت خلالها... زي كدا.....و قص حدود الكرتونة بشكل عشوائي


14- قص قطعة كرتون تانية بنفس حجم و شكل الأولانية و لون جهة واحدة منها باللون الأسود...


15- لزق قطعتين الكرتون في بعض بغراء قوي بحيث تكون الجهة السوداء باينة من الفتحة ( بين المثلثات)


16- بعد ما تكون لونت الجزمة بالطريقة و الألوان اللي عاجباك...... لزق الجزمة من جهة الساق في وسط المثلثات
( في الفتحة) بغراء قوي جداً و لزاق بقد ما تقدر....


17- و أخيراً لزقها في السقف أو ممكن حتى في الباب!!!!!